Largimi i Casemiros tek Manchester United e ka tronditur paksa Real Madridin .
Megjithatë duke qenë se për vite me rradhë rezultoi një referent në mesin e fushës , madrilenët e kanë gjetur menjëherë zëvëndësuesin e brazilianit.
Carlo Ancelotti pavarësisht se ka në dispozicion Fede Valverden , Dani Ceballos apo Aurelien Tchouamenin, sipas Ekrem Onur ‘’ Galaktikët ‘’ kanë vendosur të investojnë rreth 53 milionë euro për transferimin e Pierre- Emile Hojbjerg në mitikun ‘’ Santiago Bernabeu ‘’.
27 vjeçari firmosi me Tottenham Hotspurin në 2020-tën për 17 milionë euro dhe shifra e ofruar nga Florentino Perezi flet qartësisht për nivelin impresionues në të cilin ka arritur.
Pierre- Emile Hojbjerg prej tre sezonesh po shkëlqen me ‘’ Gjelat e Londrës ‘’ dhe në ndeshjet e para të sezonit e ka ndihmuar skuadrën e Antonio Contes me 1 gol në dy të tilla.
Mënyra e lojës së talentit nga Copenhagen preferohet shumë nga ikona e trainingut Carlo Ancelotti por duhet theksuar se bashkombasi i tij shquhet për fanatizmin ndaj yjeve të ekipit dhe parashikohet se ky akord do të jetë shumë i vështirë për tu arrirë.
Traineri nga Lecce tregoi shumë shpejt aftësitë në stolin e ‘’ Spursave ‘’ duke i kualifikuar për në Uefa Champions League , arritje që siguroi qëndrimin e peshave të rënda në ‘’ White Hart Lane ‘’.
Duke qenë se jemi në metrat e fundit të merkatos , historia bëhet edhe më interesante, gjatë të cilës nuk përjashtohen surprizat pasi na kanë shoqëruar vit pas viti me transferimin e lojtarëve cilësorë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
