<p>Opinionisti i sportit, Uvil Zajmi, komentoi në studion e MCN zhvillimet e fundit në kampionatin italian të futbollit. Zajmi tha se Napoli është për momentin skuadra që bën diferencën. Kjo për shkak të ekipit dhe trajnerit të mirë.</p> <blockquote> <p>Duke iu referuar rezultateve, nuk ka skuadër që të dominojë. Në njëfarë mënyre kjo tregon edhe një lloj rivaliteti. Nisur nga kampionati i kaluar, ku Interi spikati, këtë vit nuk e kemi në këto nivele. Në renditje komandon Napoli, në edicionin e kaluar një skuadër pothuajse e mbaruar. Por këtë vit me ardhjen e trajnerit Konte, ka ndryshuar gjithçka. Komandon kampionatin dhe ngrihet pyetja a do të jetë pretendente apo jo. Është një fazë e parë e sapombyllur me oshilacione, me skuadra që nuk garantojnë, përveç Napolit, e cila komandon renditjen. Milani është një nga zhgënjimet e këtij edicioni.</p> <p>Napoli është skuadra që bën diferencën. Askush nuk e mendonte që në javën e nëntë të komandonte me diferencë pikësh. Ka një grup të mirë lojtarësh dhe një trajner të mirë. Edhe pse një nga lojtarët kryesorë do të largohet, ka një grup unik. Ka disa elementë të favorshëm që i kanë dhënë avantazhin.</p> </blockquote> <p> </p> <p><iframe allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen="" frameborder="0" height="315" referrerpolicy="strict-origin-when-cross-origin" src="https://www.youtube.com/embed/AGET6YVdsK8?si=KX4cq6I2vAc6y4dR" title="YouTube video player" width="560"></iframe></p>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
