Sokol Jareci është shprehur se në rast se arbitrat që janë në VAR, gabojnë do të ketë penalizime, njëjtë siç do të ndodhte për arbitrat ë fushë. Në emisionin “Skaner” në MCN TV, disenjatori i arbitrave u shpreh se pavarësisht futjes së VAR-it në Shqipëri, përsëri do të ketë nevojë për moviolë, pasi VAR sipas Jarecit ndërhyn atëherë kur gabimet janë faktike.
“VAR objektivin e tij ka të evitojë gabimet. Pjesa e moviolës do të jetë, pasi VAR nuk është i pranishëm në çdo vendim të arbitrit, por është për ato gabimet e mëdha. Për sa i përket ndeshjeve, si rrallë herë, në të pesta ndeshjet është dashur ndërhyrja e VAR.
Janë situata të cilat për herë të para, shikohen nga VAR te fugoni dhe më pas nga gjyqtari. Dyshimi duhet të jetë zero tani. Aleksi i ka shpëtuar kartonit të kuq, me reagimin e tij te penalltia. VAR ndërhyn sa herë që situata kur janë faktike. Për faull VAR, ndërhyn vetëm kur është karton i kuq.
Rastet e refuzimit të arbitrit nga VAR, janë shumë të rralla. Te fugoni janë arbitrat dhe asistentët në listë. Në ndeshjen me Hungarinë, në VAR ishte Irrati. Është numri 1 për VAR, por nuk ka stemën e FIFA-s. VAR është ai që merr vendimin dhe jep sinjalizimin.
Në momentin që VAR merr vendimin, loja vazhdon dhe e ndjek AVAR. Në ndryshim nga sezoni i kaluar kemi edhe 2 kamera pas portave. VAR ka 4 kënde kamerash.
Penalizim për arbitrat e VAR nëse gabojnë? VAR ka të njëjtin funksion si arbitri në fushë. Nëse nuk i sugjeron arbitrit në fushë, një gabim të dukshëm, atëherë penalizimi do të jetë për atë që është në VAR.”, u shpreh Jareci.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
