Pavarësisht se Florentino Perez ka arritur një ndër objektivat kryesorë të viteve të fundit siç ishte transferimi i Kylian Mbappes në ‘’ Santiago Bernabeu ‘’, Carlo Ancelotti ende mendon se Real Madridi duhet të përforcohet në ofensivë.
Madrilenët e kanë rikthyer vëmëndjen tek Harry Kane, një ndër sulmuesit më të rrezikshëm të aktualitetit.
Anglezi po zhvillon sezonin e dytë me Bayern Munchenin dhe po tregon se mbetet një lider absolut për sa i përket këtij reparti.
20 gola dhe 8 asiste në 17 sfida janë statistika të cilat s’mund të anashkalohen lehtë, fakt që e shëndërron këtë etapë si një ndër më të rëndësishmet në karrierën e ‘’ Uraganit ‘’.
Ish rekordmenët e Bundesligës janë liderë në kampionat dhe kanë bërë mirë edhe në Champions League falë komponentëve cilësorë në përbërje.
Eksperienca e ishi-t të Tottenham Hotspurit dhe kapaciteti i treguar e bën të paevitueshëm interesin e një ekipi si ‘’ Los Blancos ‘’, i cili kërkon të shtojë në çdo sezon trofetë në vitrinën e tejmbushur.
Nuk do të jetë aspak e lehtë për arsye të rëndësisë në 11-shen e formuar nga Vincent Kompany, një teknik që po provon veten tek një gjigand jo vetëm në Gjermani por edhe Europë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
