Drejtori i përgjithshëm Olsi Rama thotë se Partizani e kishte përgatitur ndeshjen vetëm për fitore kundër Teutës. I ftuar në emisionin ‘Skaner’ në MCNTV, Rama thotë se skuadra ishte përgatitur për cdo rast, duke rrezikuar edhe deri aty sa të hidhte të gjithë sulmuesit në fushë.
‘Ne e kishim përgatitur ndeshjen me opsionin e vetëm tre pikët. Rezultati i vetëm që na bënte punë ishte fitorja. Nuk ishte thjeshtë një dëshirë, por ishim të gatshëm edhe ta humbnim ndeshjen me 2-3 gola. Kishim një plan për të hedhur të gjithë artilerinë në fushë vetëm e vetëm për të fituar. Është e vërtetë se në 20 minutat e para Teuta luajti mirë dhe na vu në vështirësi,’-u shpreh Rama.
Fitorja 0-1 kundër Teutës i ka dhënë kryesimin Partizanit dy javë para fundit të kampionatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
