Mane flet për të ardhmen: Marseille, është skuadra ime e zemrës

Sadio Mane pritet të largohet nga Liverpool në merkaton e verës, për të vazhduar karrierën në një skuadër tjetër.

Zërat për një largim të sulmuesit, kanë nisur të qarkullojnë që pas finales së humbur ndaj Real Madrid.

Së fundmi, i pyetur nga gazetarët për një largim të mundshëm, ai tha se këto zëra e kanë futur në telashe me tifozët. Mane zbuloi edhe skuadrën e zemrës, që është Marseille në Francë.

Me këto zëra, më keni futur në telashe me tifozët. Reali dhe Barcelona? Janë dy skuadra të mira, por unë nuk jam tifoz i asnjërës nga këto skuadra. Skuadra ime e zemrës është Marseille dhe këtë e dinë të gjithë.

Liverpool është një klub që e respektoj shumë. Tifozët më kanë mbështetur që nga dita e parë këtu. Për të ardhmen të shikojmë, asgjë nuk është vendosur.