Mesfushori ganez, Kwasi Sibo është një emër i dëgjuar për shqiptarët, pasi në të kaluarën ka luajtur në Kategorinë Superiore me skuadrën e Skënderbeut.
Sibo ishte një nga emrat më të spikatur të Skënderbeut në sezonin 2018-2019, me trajnerin e asokohe Orges Shehi i cili e aktivizoi në disa ndeshje si titullar.
Mesfushori ka arritur marrëveshjen dhe është shumë afër kalimit te skuadra e njohur spanjolle e Betis. Këta të fundit e kanë në listën e dëshirave për ekipin e dytë, Betis Deportivo, që militon në kategorinë e tretë në Spanjë dhe kanë objektiv ngjitjen në La Liga2.
Pritet që në orët e ardhshme Sibo të kryejë vizitat mjekësore dhe më pas të prezantohet zyrtarisht te skuadra e re. 23-vjeçari është në pronësi të klubit anglez të Wolves, ndërsa në sezonet e fundit ka luajtur i huazuar në Spanjë te UD Ibiza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
