Skuadra Kombetare e futbollit është duke kaluar një moment të errët pasi rezultatet kanë qenë tepër zhgënjyese në ndeshjet e fundit.
Kuqezinjtë e Panuçit u munden me shifrat 2-0 në takimin kundër Skocisë për Ligën e Kombeve, ku përveç humbjes edhe loja e ekipit ishte e dobet.
Kritikat ndaj tranerit Panuçi kanëe qenë të shumta si nga tifozet ashtu dhe nga mediat dhe ekspertët e futbollit.
Por, presidenti i FSHF-së, Armando Duka, i ka dal në mbrojtje duke u shprehur se trajnerit i duhet dhënë ende kohë, ndersa nga sulmuar dhe kritikët.
Në një status në rrjetin social "Facebook", jemi në gjysmë të rrugës, koha e llogoreve nuk vlen për askënd.
“Sapo kemi nisur një turne të ri dhe kemi luajtur dy ndeshjet e para. Kemi marrë tre pikë dhe pësuam humbjen e parë të hënën në mbrëmje në Gllasgou. Një humbje nuk duhet trajtuar si një tragjedi. Kemi patur mundësitë tona por që nuk i shfrytëzuam, ashtu sikurse edhe difektet, që jam i bindur se trajneri i ka tashmë pikë referimi.
Jemi në gjysmë të rrugës, me pikë të barabarta me rivalin. Na pret në tetor një transfertë e vështirë në Izrael. Të gjithë ne, duhet ti japim kohën e mjaftueshme trajnerit për të bërë ndryshimet dhe reflektimet e duhura në skuadër.
Koha e llogoreve nuk vlen për askënd. Kritikat jane normale për një skuadër kur ajo humbet. Por kur këto bëhen për interesa jo sportive, nuk i shërbejnë askujt.
Unë mirëkuptoj çdo shqetësim të tifozëve tanë apo çdo artikulim mediatik por njëherësh i ftoj që këtë situatë jo të mirë ta shndërrojnë duke shpenzuar energji pozitive për kombëtaren tonë!”, shkruan Duka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
