Gjigandi i portës së Milanit Gianluiggi Donnarumma është një nga lojtarët kyç që Milani kërkon ta ketë në gjirin e tij në të ardhmen . Kontrata e 22 vjeçarit me kuqezinjtë merr fund në 30 qershor por Mino Raiola është duke i lëvizur pa ndalim gurët për të përfituar ashtu siç duhet nga kjo çështje . Real Madrid është duke pritur prapa dere për italianin e talentuar por drejtori sportiv i Milanit Paolo Maldini nuk e heq mendjen nga ideja e ofertës së duhur për të siguruar qëndrimin e gardianit në ‘’ San Siro ‘’ .
Zërat që kanë qarkulluar së fundmi flasin për rrezikun në lidhje me qëndrimin e Gianluiggi Donnarummas edhe për disa sezone në Milano . E vetmja zgjidhje për të evituar largimin e tij do të ishte ndërhyrja e fuqishme në merkaton e verës sepse do ti garantonin fitimin e trofeve . Konkurrenca e humbur me rivalët historikë të Interit ka shkaktuar një lloj pakënaqësie jo vetëm për portierin e famshëm por edhe në kampin e kuqezinvje , por fakti se me shumë gjasa do të jenë pjesë e kompeticionit të preferuar si Uefa Champions League është një mjet justifikimi për ta konsideruar sezonin pozitiv.
Objektivi i drejtuesve të ‘’ Djallit ‘’ mbetet përforcimi i organikës me lojtarë cilësorë dhe të sigurojnë qëndrimin e komponentëve të rëndësishëm për të mos u gjendur në situata të komplikuara sepse do ti riktheheshin kalvarit të pafundëm të përjetimeve negative që nuk e kanë lënë të buzëqeshë këtë skuadër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
