Komoditeti i përjetuar tek Barcelona në kohët e fundit e ka bindur trainerin Ronald Koeman për të vijuar eksperiencën me katalanasit . Hollandezi ka arritur të formojë një grup shumë simpatik i cili rrit shpresat se historia e zhgënjimeve tek spanjollët do të ndryshojë pavarësisht se nuk do të kenë mbështetjen e legjendës Lionel Messi .
Këtë lajm mjaft shpresëdhënës për të ardhmen e ‘’ Los Cules ‘’ 58 vjeçari e ka deklaruar gjatë një interviste për prestigjozen ‘ Sport ‘ duke u shprehur shumë i entuziazmuar për aktualitetin e spanjollëve dhe se e shikon me mjaft optimizëm të ardhmen :
“ Pavarësisht se po kalojmë një moment të vështirë dua të qëndroj tek Barcelona . Grupi lojtarëve që kam në dispozicion është një indikator se këtë skuadër e pret një e ardhme e shkëlqyer “ , përfundoi Ronald Koeman.
Gjatë një mbledhje para dy javësh ndërmjet tij dhe Joan Laportas të dyja palët janë shprehur të kënaqur në lidhje me ecurinë e Barcelonës dhe me shumë mundësi traineri i mirënjohur do të pranojë të vijojë rrugën me ‘’ Azulgranët ‘’ të cilët janë në një proçes rindërtimi dhe i duhet një punë voluminoze për të arritur aty ku dëshirojnë .
Duhet theksuar se kontrata me gjigandët e Primera Division dhe më gjerë skadon në fundin e sezonit dhe rrjedha e ngjarjeve të deritanishme jep për të kuptuar se e ardhmja e tij do të jetë në Katalunjë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
