Sfidë gjigandësh për Nico Schlotterbeck

Nico Schlotterbeck është shëndërruar në një ndër më të spikaturit në kontinentin e vjetër referuar pozicionit ku aktviziohet.

Mbrojtësi prej katër sezonesh mbron ngjyrat e Borussia Dortmundit, për të cilin gjatë merkatos vijuese do të luhet një sfidë e ashpër. 

Për 25 vjeçarin Bayern Muncheni, Liverpooli dhe Real Madridi po luftojnë fort, drejtuesit e të cilëve kanë filluar të impenjohen maksimalisht për ta larguar nga ‘’ Signal Iduna Parku ‘’. 

Kontrata e ishi-t të Freiburgut me ‘’ Verdhezinjtë ‘’ përfundon në 2027-tën dhe nëse i referohemi ‘’ Të Kuqve ‘’ traineri i tyre Arne Slot e konsideron zëvëndësuesin e Ibahima Konates. 

Por në asnjë mënyrë s’duhen nënvlerësuar bavarezët dhe ‘’ Galaktikët ‘’, ekipe këto me një potencial të konsiderueshëm ekonomik. 

Krerët e Liverpoolit tashmë po përgatisin një ofertë rreth 50 milionë eurosh për ti bindur ato të ekipit nga Ruhr për Nico Schlotterbeck, ndërsa madrilenët e shikojnë zëvëndësuesin e Antonio Rudigerit, e ardhmja e të cilit ka filluar të përflitet shumë kohët e fundit, me shumë gjasa larg mitikut ‘’ Santiago Bernabeu ‘’. 

Nxënësi i Niko Kovac është një përdorues shumë i mirë i topit dhe pozicional, gjithashtu garanton mbarëvajtjen e linjës defensive gjatë sfidave. 

Ndërsa referuar gjigandëve të Bundesligës traineri Vincent Kompany e vlerëson si zëvëndësuesin e Dayot Upamencanos, gjithmonë nëse s’do ta rinovojë kontratën. 

Së fundmi drejtuesit e Borussia Dortmundit i ofruan shtatlartit një zgjatje kontrate deri në 2030-tën por Nico Schlotterbeck ka preferuar ta analizoje me detaje vijimësinë duke qenë se flitet për ekipe tejet të suksesshëm. 

Do të jetë një vendim jo i lehtë për tu marrë por sidoqoftë mendohet se e ardhmja e tij do të jetë një ndër temat më pikante të periudhës së transferimeve.