Tirana i ka dhënë fund pushimeve dhe është rikthyer në fushë, për të nisur përgatitjet për pjesën e mbetur të kampionatit.
Skuadra bardheblu, ka nisur stërvitjet këtë të enjte në kryeqytet, nën urdhrat e trajnerit Ahmataj.
Ndeshjen e parë për këtë vit, Tirana do e luajë ndaj Dinamos, me derbin që është vendosur të zhvillohet më 12 janar.
Njoftimi i Tiranës:
Skuadra është rikthyer në fushë dhe ka nisur përgatitjet për pjesën e mbetur të sezonit.
Ekipi do të qëndrojë i grumbulluar në kryeqytet, ku edhe do të zhvillojë fazën përgatitore para rifillimit të kampionatit.
Ekipi ka qenë i plotë nën urdhrat e trajnerit Julian Ahmataj, teksa ditën e sotme ka planifikuar edhe dy seanca stërvitore, ndërsa ditët në vijim, do të ketë edhe alternime nga stafi teknik.
Ekipi do të qëndrojë në grumbullim deri në datën 8 janar, ku më pas do të përgatitet për ndeshjen e parë të vitit 2024, ndaj Dinamos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
