Ermal Tahiri, ish-futbollist, deklaroi në emisionin “Skaner” në MCN TV, se Tirana dhe Partizani kanë krijuar diferencë me të tjerët, në garën për titullin kampion.
Në lidhje për ndeshjen e Tiranës me Kukësin, ku bardheblutë fituan 2-1, Tahiri tha se verilindorët e dominuan pjesën e dytë dhe mund të fitonin ndeshjen.
Mendoj se Tirana dhe Partizani kanë krijuar një diferencë me rivalët e tjerë për titullin, por nuk mendoj se do të kenë diferenca me njëra-tjetrën. Mendoj se kështu ka për të shkuar deri në fund kampionatin. Mendoj se Kukësi në pjesën e dytë mund të fitonte ndaj Tiranës.
Kukësi e dominoi Tiranën në pjesën e dytë. Në pjesën e parë, ekipet ishin të barabarta, studiojnë njëra-tjetrën. Në minutën e 46-të, Lushkja humbi një rast të pastër dhe mund të ndryshonte ndeshja.
Ajo që bën përshtypje, është problematika që ka Tirana në sulm. Problem prodhimi i rasteve. Kanë mesfushë shumë të mirë. Të gjithë mesfushorët, nuk futen brenda dhe nuk kanë shënuar një gol.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
