Kalimi nga Real Madridi tek Milani ishte një moment deçiziv në karrierën e Brahim Diazit.
Mesfushori me kalimin e kohës ka rifituar vlerat e jashtëzakonshme në fushën e lojës duke detyruar ‘’ Galaktikët ‘’ të mendojnë rikthimin e spanjollit në ‘’ Santiago Bernabeu ‘’.
Në këtë fillim sezoni 23 vjeçari konsiderohet një ndër më të mirët e Serisë A dhe e ka ndryshuar mendjen e drejtuesve të kryeqytetasve, të cilët e vlerësojnë maksimalisht kontributin e dhënë tek kampionët në fuqi të Serisë A .
15 gola dhe 9 asiste në 92 sfida të shoqëruara me një nivel impresionues i kanë dhënë tjetër kuptim karrierës së Brahim Diazit dhe ‘’ Los Blancos ‘’ janë të sigurtë në vendimarrjen e tyre.
Mirëpo Carlo Ancelotti është ai që do ti vërë pikën kësaj çështje , në funksion të akumulimit të titujve me Real Madridin ose në të kundërt ishi i Manchester City-t mund të vijojë eksperiencën tek kuqezinjtë , skuadër në të cilën ka fituar shumë rëndësi dhe është një ndër më të mirët e Stefano Piolit.
Dihet tashmë se e ardhmja e Marco Asensios nuk është aspak e sigurtë tek kryeqytetasit dhe Brahim Diaz mund të mbushë boshllëkun që mund të lërë ishi i Mallorcas .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
