Përpjekjet e drejtuesve të Barcelonës referuar merkatos së verës vijojnë të shtohen me kalimin e kohës.
Natyrisht ekipi i Hansi Flickut do të jetë një ndër protagonistët gjatë kësaj periudhe, i cili ka ditur të jetë dominues në La Liga, ka fituar Kupën e Mbretit dhe Superkupën e Spanjës.
Me këto hapa të suksesshëm gjermani ka treguar se në të ardhmen e afërt mund ti ndihmojë kuq e blutë për ti shtuar trofetë vitrinës së tejmbushur.
Për arritjen e objektivave duhen me patjetër blerjet cilësore, për të qenë në lartësinë e duhur gjatë sezonit të ardhshëm dhe një ndër to është Joan Garcia.
Sipas Fabrizio Romanos negociatat për gardianin e Espanyolit janë në rrugën e duhur, edhe pse për të nuk kanë munguar as ofertat nga ekipet e Premier Leagues.
Eshtë punuar shumë fort për të siguruar shërbimet e 24 vjeçarit, për të cilin thuhet se presidenti Joan Laporta do të shpenzojë 25 milionë euro, shifër që i korrespondon klauzolës për prishjen e kontratës me bardheblutë.
Entuziazmi tek drejtuesit dhe tifozeria e zjarrtë e ‘’ Los Cules ‘’ ka filluar të ndihet për arsye se Joan Garcia ka rezultuar një ndër më të spikaturit e Primera Divisionit në sezonin e shkuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
