Me një karrierë të suksesshme mbi supe Cristiano Ronaldo ka vendosur ti shkëpusë lidhjet me Juventusin në përfundimin e sezonit . Portugezi është zhgënjyer nga ecuria e bardhezinjve që nuk kanë mundur të thyejnë akullin në Champions League dhe kanë humbur luftën për fitimin e Serisë A . Mentaliteti fitues i 36 vjeçarit nuk lë vend për gabime dhe po bën gati valixhet për tu përshëndetur me ‘’ Allianz Stadium ‘’.
Mundësitë e servirura për luzitanin janë të shumta por e ka bërë zgjedhjen e tij . Para pak kohësh u spekullua për një rikthim në ‘’ Santiago Bernabeu ‘’ por Florentino Perez nuk e ka dhënë konfirmimin për arsyen e rrogës së lartë që përfiton . Përpara kësaj situate ka menduar një zgjidhje ish shtëpia e tij ‘’ Old Trafford ‘’ . Sipas ‘’ Donbalon ‘’ , ‘’ Djajtë e Kuq ‘’ të Manchester United kërkojnë rikthimin e 5 herë fituesit të Topit të Artë për të vënë diktatin në Premier League dhe Uefa Champions League sepse vitet e fundit sidomos pas kalimit të asit portugez në Madrid anglezët kanë humbur shumë terren në këto kompeticione .
Në komunikatën e bërë nga agjenti i tij Jorge Mendes Cristiano është i gatshëm të ulë pretendimet me 10 milionë euro për tu rikthyer në ‘’ Pallatin e Endërrave ‘’, aty ku filloi historia e suksesit për sulmuesin nga Madeira . Kësaj çështje do ti bashkangjitej gjithashtu një term që lidhet me firmosjen e një kontrate 2 vjeçare dhe jo 3 siç përflitej disa muaj përpara . Këmbanat kanë filluar të bien dhe britanikët do të kenë përsëri në gjirin e tyre një bishë të futbollit botëror , fakt që me të drejtë i bën të ëndërrojnë .
Në aspektin individual Cristiano Ronaldo i ka bërë detyrat shumë mirë gjatë këtij sezoni sepse numëron 34 gola në 40 ndeshje me ‘’ Zonjën e Vjetër ‘’ pa çka se kjo e fundit ka rrëshqitur disi në krahasim me të kaluarën .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
