Edhe pse është në vitet e fundit të karrierës Luka Modriç vijon të demostrojë potencialin në fushën e blertë.
40 vjeçari po avancon ashtu siç duhet me Milanin, drejtuesit e të cilit kanë menduar t’ia rinovojnë kontratën.
Rendimenti i shkëlqyer, i shoqëruar edhe me pasionin për këtë sport e kanë shëndërruar në një pilar në 11-shen e Massimilliano Allegrit i cili mban një eksperiencë të konsiderueshme mbi supe, me një vizion loje impresionues dhe sigurisht një teknikë për tu marrë shembull.
Jo vetëm në fushën e lojës ka rezultuar një referent por edhe për shokët e skuadrës i cili fitoi gjithçka në të shkuarën me Real Madridin.
Bisedat ndërmjet palëve kanë nisur dhe parashikohet se do të arrihet shumë shpejt marrëveshja e cila i siguron qëndrimin ishi-t të Tottenham Hotspurit në ‘’ San Siro ‘’ për më gjatë.
Javët e ardhshme do të jenë determinante për këtë mesfushor, i cili ka lënë gjurmë edhe tek Kroacia dhe po demostron edhe njëherë se diferencën nuk e bën mosha por pasioni për këtë profesion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
