Pasaporta diplomatike me të cilën u pajisën futbollistët e Kombëtares në 2016 duhet të kthehet mbrapsht. Një ditë më parë, me anë të një shkrese, Ministria për Evropën dhe Punët e Jashtme i kujtoi Federatës Shqiptare të Futbollit se të gjitha subjektet e pajisura me pasaportën diplomatike, duhet ta dorëzojnë atë brenda afatit, 30 qershor 2021.
Djemtë e Kombëtares kuqezi u shpërblyen me pasaporta diplomatike pas përfaqësimit dinjitoz në Kampionatin Europian. Në atë kohë, me një VKM të 23 qershorit 2016, qeveria u dha të drejtën të udhëtojnë me pasaporta diplomatike, por një tjetër VKM që mban datën 12 qershor 2019, i nxjerr atanga kategoria e subjekteve që e gëzojnë një dokument të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
