Konkurrencës së Bayernit për marrjen e shërbimeve të Lucas Vazquez orët e fundit i janë shtuar edhe dy rivalë shumë të fortë në Premier League .
Sipas ‘’ Daily Mirror ‘’ Tottenhami dhe Arsenali do të masin forcat në një derbi londinez për spanjollin e talentuar . Theksi në këtë operacion vihet padyshim tek polivalenca e 29 vjeçarit sepse konsiderohet si një element që mund të përshtatet mjaft mirë në skemat e gjigandëve anglezë .
Tashmë me një këmbë larg ‘’ Santiago Bernabeut ‘’ Lucas Vazquez duhet ti bëjë mirë llogaritë sepse ndodhet midis tre zjarreve që mund t’ia përmirësojnë të ardhmen në kontinentin e vjetër . Gjithçka duket e përfunduar midis ‘’ Los Blancos ‘’ dhe sulmuesit të talentuar sepse krerët e klubit nuk kanë bërë asnjë hap në lidhje me rinovimin e kontratës së tij .
Një vendim i tillë justifikohet me kaosin e shkaktuar nga pandemia e koronavirus që vazhdon të ndikojë në arkat e klubeve të njohura në Europë duke i detyruar automatikisht të sakrifikojnë elementë me një peshë të caktuar në gjirin e tyre . Duke vazhduar këtë llogjikë numri një i Real Madridit Florentino Perez tashmë i ka hedhur hapat e duhur që lidhen në mënyrë direkte me rinovimet e dy prej nxënësve më të mirë të Zinedine Zidane si Sergio Ramos dhe Luka Modric.
Në lidhje me perspektivën e të ardhmes lojtari i lindur në La Coruña prej kohësh ka shprehur se kërkon me çdo kusht ti bashkohet një skuadre që aspiron të luajë në Champions League, kërkesë të cilën momentalisht si Arsenal ashtu edhe Tottenhami nuk ia plotësojnë .
Megjithatë situata e tyre mund të ndryshojë me kalimin e kohës sepse kanë mbetur edhe disa javë për përfundimin e Premier Leagues dhe ashtu siç ka ndodhur në shumë raste kampionati mund të pësojë surpriza të papritura deri në javën e fundit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
