Paraqitjet e mrekullueshme të Alessandro Bastonit me Interin e kanë bërë italianin shumë të preferuar në merkato.
Pas Manchester City-t dhe Real Madridit , Tottenham Hotspuri ka shpallur kandidaturën për ta transferuar në ‘’ White Hart Lane ‘’.
Kontrata e 23 vjeçarit me zikaltërit do të përfundojë në 30 qershorin e 2024-tës por ‘’ Gjelat e Londrës ‘’ po vijojnë me insistimin për t’ia ndryshuar mendjen pavarësisht se konsiderohet një ndër liderët e prapavijës së zikaltërve.
12 sfidat e deritanishme kanë rikonfirmuar cilësitë e Alessandro Bastonit , për të cilin mendohet se një ndryshim ambjenti do t’ia përmirësonte karrierën në çdo aspekt dhe në fakt traineri Antonio Conte asnjëherë nuk e ka humbur shpresën se një ditë mund ta ketë përsëri nën urdhërat e tij ishi-n e Atalantës .
Me uljen në pankinën e ‘’ Spursave ‘’ , 53 vjeçari diti shumë shpejt të adaptohet dhe sigurisht arriti ti rikthejë kryeqytetasit në Champions League duke blinduar edhe qëndrimin e yjeve si Harry Kane apo Heung-Min Son , të domosdoshëm për mbarëvajtjen e Tottenhamit në kompeticionet pjesëmarrëse.
Katër sezone në ‘’ Giusseppe Meazza ‘’ i kanë shërbyer Alessandro Bastonit për të rritur kualitetin por natyrisht me ‘’ The Citiziens ‘’ dhe ‘’ Galaktikët ‘’ të përfshirë nuk do të jetë e lehtë firmosja me një ndër qëndërmbrojtësit më të mirë aktualisht .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
