Skuadra veriore e Kukësit ka arritur një fitore të rëndësishme ndaj Flamurtarit në javën e 15-të Kategorisë Superoire. Një gol i shënuar nga Emini në pjesën e parë i ka mjaftuar Kukësit për të marrë 3 pikë në ndeshjen ndaj Flamurtarit, duke u ngjitur i vetëm në krye të klasifikimit të kategorisë Superiore.
Në “Zeqir Ymeri” vendasit zhvilluan një ndeshje të mirë, por ndaj Flamurtarit gjithsesi nuk rezultoi e lehtë fitorja. Pas golit të shënuar në minutën e 23 nga Emini, Flamurtari bëri përpjekje për të gjetur barazimin, por për ta rezultoi një mision i pamundur të shënonin në portën e kuksianëve.
Skuadra e Gjokës tregohet e kujdesshme, duke arritur ta mbajë rezultatin e pa ndryshuar deri në fund të ndeshjes.
Me këtë fitore, Kukësi ngjiten në kuotën e 31 pikëve, dy më shumë se kampionët e Skënderbeut, të cilët një ditë më parë u ndalën në një barazim pa gola në Durrës ndaj Teutës.
Luftëtari i Gjirokastrës bëri suprizën në këtë javë të Superiores duke fituar me rezultatin 2-3 në “Loro Boriçi” ndaj Vllaznisë vendase.
Pjesa e parë e ndeshjes u mbyll në barazim 2-2, ndërsa në 45 minutat e dyta ishte Faife autor i golit që i dha 3 pikë mjaft të rëndësishme gjirokastritëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
