Standartet e dyfishta për tifozët me kartë identiteti

Futbolli shqiptar është duke kaluar një përiudhë të zezë për faktin se trukimet janë një problem kryesor që e ka mbërthyer këtë sistem prej vitesh. Raporti i UEFA-s për një klubin e Skënderbeun tregon qartë gjëndjen e futbollit tonë dhe institucionit përgjegjës që është FSHF-ja e cila gjithashtu nuk është aq e pastër, ç’ka ka sjellë që të kemi këtë lloj niveli.

Ajo që është shqetësuese, është fakti se në çdo javë po shohim një zbrazje të frikshme të stadiumeve dhe numri i spektatorëve është në një rënie drastike. Mjafton të shohësh dhe sfidat kryesore që mund të ketë tifozë dhe në këto duele numri i tifozave është i pakët.

Kjo vjen si pasojë e një garë jo të ndershme, kushtet lënë për të dëshiruar, ndeshje të cilat në shumicë janë të përcaktuara etj, ka bërë që numri i tifozave të arrijë në pikën e fundit duke i bojkotuar shkallët e stadiumit.

Por, përveç këtyre një tjetër pengesë javët e fundit që i ka detyruar tifozët të rrinë larg stadiumeve është policia. Kjo e fundit ka kërkuar që çdo tifozë që do të hyjë në stadium për të ndjekur ndeshjen duhet që të ketë me vete kartën e Identitetit. Por, kjo kërkesë është refuzuar nga ana e tifozave dhe ajo që është e çuditshme është fakti se kjo gjë është kërkuar vetëm për tifozerinë e kryeqytetit, Partizanit dhe Tiranës.

“Ligji për Sportin” u jep të drejtë tifozave për çështjen e kartave të identitetit. Kjo pasi policia nuk e ka detyrim që të kontrollojë ID-në e tifozave në hyrje të stadiumit.

Më poshtë po paraqesim nenet për “Detyrimi për njoftimin e Policisë së Shtetit” “Ruajtja e rendit dhe e sigurisë publike” dhe “Ndalimi i hyrjes në mjediset sportive”

Neni 50

Detyrimi për njoftimin e Policisë së Shtetit

Organizatori i një veprimtarie sportive është i detyruar të njoftojë Policinë e Shtetit me shkrim të paktën shtatë ditë kalendarike përpara zhvillimit të saj, me qëllim planifikimin e të gjitha masave të nevojshme të sigurisë për mbarëvajtjen e saj.

Në këtë njoftim, organizatorët duhet të përcaktojnë edhe shërbimin privat të sigurisë fizike (SHPSF) të kontraktuar për marrjen e masave të sigurisë në mjediset sportive.

 Neni 51

Ruajtja e rendit dhe e sigurisë publike

1. Ruajtja e rendit dhe e sigurisë publike në mjediset sportive është detyrë institucionale e organeve të Policisë së Shtetit.
2. Administratorët e objekteve dhe mjediseve sportive, në bashkëpunim me klubet sportive, nëpërmjet shoqërive private të sigurisë fizike, duhet të marrin këto masa:
3. a) të kryejnë kontrollin rigoroz të tifozëve në portat e hyrjeve në mjedisin sportiv;
4. b) të kryejnë sigurimin e vendkalimeve publike në mjedisin sportiv;
5. c) të kryejnë drejtimin e spektatorëve tek ulëset në mjedisin sportiv dhe mbajtjen e tyre nën kontroll;

ç) të kryejnë sigurimin dhe mbrojtjen e lojtarëve nga futja e tifozëve në mjedisin sportiv.

3. Administratorët e mjediseve sportive marrin masat për caktimin e një ambienti të përshtatshëm për drejtuesit e njësisë policore për monitorimin e situatës së rendit publik në mjedisin sportiv.

Neni 53

Ndalimi i hyrjes në mjediset sportive

1. Ndalohet hyrja deri në një vit në mjediset sportive e personave, ndaj të cilëve janë zbatuar dispozitat e parashikuara në nenin 49, të këtij ligji, më shumë së një herë.
2. Ndalohet hyrja në mjediset sportive deri në dy vjet e personave, ndaj të cilëve janë zbatuar dispozitat e parashikuara në nenin 49, të këtij ligji, më shumë se dy herë.
3. Vendimin për ndalimin e hyrjes në mjediset sportive e jep Komisioni i Shqyrtimit të Kundërvajtjeve Administrative pranë komisariatit të Policisë së Shtetit, nën juridiksionin e të cilit zhvillohet veprimtaria sportive ku është konstatuar kundërvajtja.
4. Mënyra e ngritjes dhe funksionimit të Komisionit të Shqyrtimit të Kundërvajtjeve Administrative përcaktohet me urdhër të Drejtorit të Policisë së Shtetit.
5. Komisariati i policisë njofton me shkrim personin, ndaj të cilit jepet vendimi, federatën shqiptare të sportit përkatës dhe klubin sportiv, tifoz i të cilit është personi.
6. Kundër vendimeve të Komisionit të Shqyrtimit të Kundërvajtjes pranë komisariatit të policisë, për sanksionet e parashikuara në ligj, bëhet ankim, brenda 30 ditëve nga data e marrjes së vendimit, sipas dispozitave të ligjit për kundërvajtjet administrative, në Komisionin e Shqyrtimit të Ankesave. Përbërja, kompetencat dhe procedurat e funksionimit të Komisionit të Shqyrtimit të Ankesave përcaktohen me urdhër të Drejtorit të Policisë së Shtetit.

Pra, në të tre nenet nuk është e shkruar që policia duhet që tu kërkojë tifozave kartën e identitetit. Dhe kjo ka sjellë një irritim në rradhët e tifozerisë së kryeqytetit të cilët janë të vendosur në qëndrimin e tyre për mos paraqitjen e kartës së identitetit në hyrje të stadiumit duke e quajtur këtë masë antikushtetuese dhe antiligjore.
Dhe deputeti i mazhorancës Erjon Braçe që është një sportdashës u ka dhënë të drejtë tifozave në këtë rast.

Megjithatë duhet priteur se si do të procedohet në takimet e ardhshme nëse do të marrë zgjidhje ose jo ky problem. (TemATv)