Momenti delikat i Marco Asensios tek Paris St Germain, nuk po i lë zgjidhje tjetër veçse të largohet gjatë merkatos aktuale.
Spanjolli nuk e ka bindur Luis Enriquen, për të cilin gjithsesi nuk mungojnë pretendentët.
Drejtuesit e Bayern Munchenit kanë nisur ofensivën për mesfushorin, i cili sezonin e shkuar e përfundoi në mënyrë të shkëlqyer duke u shpallur edhe kampion i Champions Leagues me ‘’ Les Pariziens ‘’.
Gjermanët janë një ndër pretendentët për arsye se ishi i Real Madridit po monitorohet edhe nga disa klube në Angli, Itali dhe Spanjë.
Në rastin konkret, bavarezët mendojnë transferimi në ‘’ Allianz Arena ‘’ i 29 vjeçarit mund ti japë një avantazh ofensivës duke e bërë edhe më të rrezikshme.
Adaptimi pa probleme në disa pozicione të metrave të fundit natyrisht preferohet nga traineri Vincent Kompany i cili do të ketë një detyrë të vështirë pasi presioni tek ish rekordmenët e Bundesligës është shumë i madh dhe sepse gjithmonë duhet të triumfosh.
Sigurisht duke iu referuar situatës së nxënësit të Luis Enriques kuptohet qartazi se e ardhmja është larg ‘’ Parque de Princes ‘’, ndoshta tek një ekip elite në kontinentin e vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
