West Ham United, është skuadra fituese e Conference League, për sezonin 2022-2023.
Anglezët triumfuan në finale ndaj Fiorentinës, me rezultatin 2-1, në një ndeshje të luftuar deri në sekondën e fundit.
Italianët ishin më kërkues gjatë gjithë takimit, duke kontrolluar lojën, por në fund fitimtarë dolën lojtarët e West Ham.
Skuadra e Moyes kaloi në avantazh e para në minutën e 62-të me Benrahma, i cili u tregua i saktë nga pika e bardhë e penalltisë. Megjithatë ky avantazh zgjati pak, pasi Bonaventura vendosi baraspeshën në minutën e 67-të.
Kur po mendohej se ndeshja do të shkonte me shtesa, erdhi edhe goli që vendosi ndeshjen. Bowen u shkëput bukur nga mesfusha dhe në minutën e 90-të dhe ia doli të shënojë, duke i dhënë fitoren dhe trofeun skuadrës së tij.
Tjetër zhgënjim për Fiorentinën, që humb finalen e dytë sezonale, pasi më parë u mposht në Kupën e Italisë, nda Interi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
