Në merkaton e janarit Juventusi rezultoi një ndër ekipet më të suksesshëm pasi bëri një spastrim cilësor duke i treguar daljen lojtarëve si Dejan Kulusevski apo Rodrigo Betancur dhe afroi në Torino Dusan Vlahovic i cili e kishte deklaruar kohë më parë se kërkonte ti bashkohej një skuadre elite.
Largimi i Cristiano Ronaldos i varfëroi bardhezinjtë në ofensivë dhe serbi mbërriti në ‘’ Allianz Stadium ‘’ atëherë kur i nevojitej më shumë .
Megjithatë rruga parashikohet me shumë kthesa për ‘’ Zonjën e Vjetër ‘’ të cilës i mbetet ende punë për tu kompletuar dhe Massimiliano Allegri tanimë kërkon të shtojë forcat në mesfushë .
Italiani pretendon transferimin e një trekuartisti dhe alternativat janë tepër cilësore . I pari është Nicolo Zaniolo .
Asi i Romës e ka mahnitur 54 vjeçarin por dëmtimet kanë evituar dhënien e maksimumit tek ‘’ Verdhekuqtë ‘’ por sidoqoftë bardhezinjtë mbeten fanatikë të 22 vjeçarit.
Edhe Florian Wirtz po e zgjeron me shpejtësi protagonizmin me Bayer Leverkusen dhe italianët kanë nisur ofensivën për asin e ‘’ Aspirinave ‘’ pavarësisht se konsiderohet një operacion i vështirë .
As Christopher Nkunku nuk mbetet në prapavijë , lojtar që po gëzon momente të mrekullueshme tek Leipzigu dhe vlerat e treguara ia kanë shtuar bindjet Massimiliano Allegrit se duhet ta ketë në listë.
Për Juventusin është momenti ideal për të shkelur gazin pasi sakrificat e mëdha po japin rezultate dhe e vetmja mënyrë për të dëshmuar se mbetet një skuadër elite është akumulimi i trofeve në vitrinën e tejmbushur.
Opsionet janë interesante por koha do të tregojë rezultatet e drejtuesve mbi fuqizimin e ish rekordmenëve të Scudettos të cilët nuk mendojnë të dorëzohen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
