Performanca e dobët e Milanit në javët e fundit si në Serinë A ashtu edhe në “Europa League” ka bërë që e ardhmja e Gennaro Gattuso në stol të vihet në diskutim pas kritikave të shumta.
Kritika më e ashpër ndaj trajneri kuqezi ka ardhur nga ish-presidenti i Milanit, Silvio Berluskoni , i cili në rolin e tij të ri si presidenti i skuadrës së Monza ka shprehur mendimin e tij për ish-ekipin e tij:
"Unë e ndjek gjithmonë Milanin si tifoz. Jam i zhgënjyer, sepse është një dhimbje të shohësh Milanin në fushë duke zhvilluar një lojë jo shumë efektive, të cilën unë shpresoj që së shpejti do të ndryshojë.
E ardhmja e Gattuso? Këto janë vendime të shoqërisë, dhe unë nuk kam asnjë dëshirë për të komentuar këtë gjë", ka thënë Berlusconi, i cili ka insistuar prej kohësh nevojën për të vendosur dy sulmues.
Aktualisht Milani renditet në vendin e e 12-të në klasifikimin e Serisë A me 12 pikë të grumbulluara pas 9-javëve të para.
Një ecuri mjaft e dobët duke bërë që e ardhmja e Gattuzos në krye të stolit të jetë në dyshim – ku menjëherë kanë qarkulluar dhe emrat e parë që mund ta zëvëndësojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
