Ralf Rangnick mund të quhet si trajneri më i ri i Manchester United. Sipas asaj që raportojnë mediat britanike, drejtuesit e United kanë arritur marrëveshjen me trajnerin gjerman deri në fund të sezonit.
Rangnick i është ofruar një kontratë deri në fund të sezonit si trajner i Manchester United. Pas kësaj, është rënë dakord, për një kontratë 2-vjeçare në fund të sezonit, por këtë herë për një rol drejtuesi në klub dhe jo si trajner.
Marrëveshja është arritur mes palëve dhe në orët e ardhshme pritet të vijë zyrtarizimi. Në stolin e United, Rangnick do të pasojë Ole Gunnar Solskjaer, i cili u shkarkua pak ditë më parë, për shkak të rezultateve të dobëta.
Gjatë karrierës së tij si trajner 63-vjeçari gjerman ka drejtuar skuadra të njohura si Leipzig, Schalke 04, Hoffenheim, Stuttgart dhe Hannover 96.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
