Duro: Kënaqësi të udhëheqësh Superligën, rivalët i kemi mposhtur në ndeshje direkte

I ftuar në emision 'Skaner' në MCN Tv trajneri i Laçit Shpëtim Duro është shprehur se është ndjesi pozitive të udhëheqësh Superligën, Duro thotë se gara për titull gjithsesi do të jetë shumë e ashpër, por me Partizanin, Vllazninë dhe Teutën kanë bilanc pozitiv.

“është ndjesi pozitive të jesh në këtë pozicion, por tani është pjesa më e vështirë e kampiuonatit pasi jemi katër skuadra me nnjëra tjetrën dhe do të ketë përballja interesante deri në fund të kampionatit. Partizani, Teuta, Vllaznia dhe ne jemi për titull. Kemi vetëm dy pikë diferencë, por jemi aty aty. Ne në ndeshjet direkte me këto skuadra kemi bilannc pozitiv, por jemi të gjithë një kategori. Pikët merren me përqendrim maksimal. Laçi nuk ka statusin e Partizanit, por mund të dalim kampion. Tani distanca është afër, kampionati në vazhdim dhe gjithçka mund të ndodhi, pasi futbolli është gjithmonë I paparashikueshëm.”