Koha kalon dhe Real Madridi sigurisht vijon rrugën drejt akumulimit të sukseseve .
‘’ Galaktikët ‘’ kanë fatin e të paturit një president si Florentino Perezi i cili nuk është kursyer asnjëherë për ekipin e zemrës dhe koha ia ka shpërblyer sakrificat .
Pavarësisht dominimit absolut në sezonin e kaluar, spanjollët ende kanë nevojë për tu përforcuar në disa reparte dhe kanë vendosur të rrisin kualitetin në prapavijë .
Transferimi i Antonio Rudigerit në ‘’ Santiago Bernabeu ‘’ u konsiderua një sukses për kryeqytetasit të cilët tashmë ia kanë vënë syrin Milan Skriniar .
Sllovaku mbetet një ndër referencat e mbrojtjes zikaltër por duke qenë se kontrata me italianët skadon në 2023-shin, sipas ‘’ Football Insider ‘’ kampionët në fuqi të Champions Leagues duan ta kenë në përberje për vitet e ardhshme .
‘’ Les Pariziens ‘’ dhe Atletico Madridi janë rivalët kryesorë të Real Madridit për 27 vjeçarin i cili përfiton 3 milionë euro tek Interi por sigurisht një largim nga ‘’ Giusseppe Meazza ‘’ do të shoqërohej me një rritje page për ishi-n e Sampdorias .
Për një skuadër si Real Madridi është e domosdoshme rritja e kualitetit në çdo merkato për ti krijuar terrenin Carlo Ancelottit ta dërgojë në majën e Europës dhe më gjerë duke reflektuar kështu se mbetet absolutisht një ndër më të mirët në training.
Sezoni aktual është i 6-shti i Milan Skriniar në Milano por me paraqitjet e bëra nuk mund të shmanget interesi i klubeve më të famshëm të futbollit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
