Largimi i mundshëm i Kylian Mbappes tek Real Madridi e ka vënë në lëvizje Parisin për të kërkuar zëvëndësuesin ideal. Kryeqytetasit e kanë gjetur shpejt zgjidhjen dhe janë fokusuar pikërisht tek Evertoni duke spikatur sulmuesin Richarlison .
Braziliani e ka filluar sezonin me një sukses shumë të rëndësishëm si ai i fitimit të trofeut në Lojërat Olimpike me Brazilin dhe bashkombasi i tij dhe njëkohësisht drejtori teknik i ‘’ Les Pariziens ‘’ Leonardo e shikon si një alternativë bindëse për ofensivën .
Sipas Espn për këtë operacion akoma nuk janë deklaruar shifrat por Mauricio Pochettino ja ka hapur dyert e ‘’ Parque de Prince ‘’ 24 vjeçarit . E kaluara e golashënuesit u lidh edhe me një transferim të mundshëm në ‘’ Santiago Bernabeu ‘’ për arsye se ishte një ndër nxënësit më të mirë të Carlo Ancelottit gjatë aventurës në ‘’ Goodison Park ‘’, por ish kampionët e Ligue 1 tashmë kanë një shans të artë për të firmosur me sulmuesin e ‘’ Seleçaos ‘’ në ditët e mbetura të merkatos .
Nëse operacioni në fjalë do të ketë fundin e lumtur do të shëndërrohej në një ndër më interesantët e Parisit që do të mbyllte përfundimisht ndërtimin e një skuadre tepër kompetitive e cila do të jetë shumë e vështirë për çdo kundërshtar si në Francë ashtu edhe në Champions League .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
