U dëmtua në Europian, Spinazzola zbulon kur do të rikthehet në fushë

Leonardo Spinazzola pësoi një dëmtim të rëndë në Europianin e verës, aty ku në ndeshjet e luajtura shkëlqeu me Italinë.

Pas operacionit, mbrojtësi ka nisur rehabilitimin, i cili sipas vetë lojtarit po shkon shumë mirë. Duke folur për këtë, Spinazzola tha se është në gjysmë të rrugës dhe pritet të zbresë në fushë pas 75 ditëve.

“Unë tani jam mirë. I kam hequr patericat. Rehabilitimi po ecën jashtëzakonisht mirë, sepse po punoj shumë. Unë jam në gjysmë të rrugës. Për 2-3 muaj do të jem gati dhe pas 75 ditëve  do të jem në gjendje të shkel fushën e lojës.”, u shpreh Spinazzola.