Ndërsa temperaturat u rritën ndjeshëm të mërkurën në Tokio, tenisti Daniil Medvedev shtroi një pyetje shqetësuese: Kush di të mbante përgjegjësi nëse ai vdiste gjatë ndeshjes?
Ndërsa garonte në ekipin e Komitetit Olimpik Rus, numri dy i botës Medvedev po luftonte gjatë ndeshjes së tij të tretë kundër Fabio Fognini të Italisë.
Gjyqtari i ndeshjes Carlos Ramos pyeti Medvedev nëse ai mund të vazhdojë të luajë, dhe lojtari u përgjigj: "Unë jam një luftëtar, do ta përfundoj ndeshjen, por mund të vdes," tha ai. "Nëse unë vdes, a do të marrë përgjegjësi ITF (Federata Ndërkombëtare e Tenisit)?"
Ndërkohë më vonë, Paula Badosa e Spanjës u largua nga ndeshja me një karrocë pasi u detyrua të tërhiqej nga ndeshja e saj në çerek finale kundër Çekisë Marketa Vondrousova për shkak të të nxehtit.
Badosa humbi setin e parë 6-3 përpara se të kërkonte një “timeout” mjekësor para fillimit të setit të dytë.
Pas trajtimit të gjatë, Badosa nuk ishte në gjendje të vazhdonte dhe u tërhoq nga ndeshja.
"Kam pësuar një goditje nga nxehtësia siç e keni parë të gjithë dhe nuk u ndjeva e aftë për të vazhduar garën," tha Badosa.
"Ishte një turp për të përfunduar pjesëmarrjen time në këtë mënyrë. Kushtet kanë qenë kërkuese që ditën e parë, ne u përpoqëm të adaptoheshim sa më mirë, por sot trupi nuk ka rezistuar sa duhet."
Temperaturat në Tokio arritën të mërkurën mbi 80 gradë Fahrenheit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
