Fuqizimi i sulmit mbetet një ndër objektivat kryesorë të Juventusit për merkaton e janarit . ‘’ Zonja e Vjetër ‘’ tashmë e ka bërë zgjedhjen . Massimiliano Allegri ia ka vënë gishtin Mauro Icardit për të shtuar cilësinë në metrat e fundit , lojtar që i njeh shumë mirë bardhezinjtë sepse është përballur shumë herë kur mbronte ngjyrat e Interit.
Para disa javësh emri i 28 vjeçarit u lidh me Barcelonën dhe Real Madridin por sipas ‘ Tuttosport ‘ dëshira e argjentinasit është rikthimi në Serinë A , pikërisht aty ku është ndierë shumë i rëndësishëm.
Nevoja urgjente për të përmirësuar kualitetin e ofensivës ka impulsuar drejtuesit e torinezëve të cilët kanë filluar negociatat me ‘’ Les Pariziens ‘’ për huazimin e lojtarit nga Rosario deri në 30 qershorin e ardhshëm duke përfshirë një opsion për blerjen përfundimtare të kartonit që varion nga 30-35 milionë euro .
Si gjithmonë Massimiliano Allegri kërkon të jetë shumë i kujdesshëm në merkato sepse synon ringritjen e shpejtë të nxënësve të tij por njëkohesisht duhet të jetë i duruar dhe shumë rezultativ në sfidat vijuese në të cilat gabimet konsiderohen të pafalshme .
Në rastin e Mauro Icardit , humbja e pikëve tek kuq e blutë mund të shpjegohet lehtësisht sepse të gjendesh midis yjeve si Messi , Mbappe dhe Neymar i redukton shanset e të qënit titullar dhe ishi i Sampdorias prej kohësh e ka shprehur se zgjidhja ideale është largimi nga skuadra e Mauricio Pochettinos .
Arsyeja për tu rikthyer përsëri në Itali konsiderohet tejet llogjike sepse Calcio i sjell gjithmonë kujtime të bukura sulmuesit nga Rosario dhe Juventusi mund ti shërbejë për ti harruar shumë shpejt sikletet e përjetuara me Paris St Germain .
18 ndeshje dhe vetëm 3 gola janë statistika tejet të varfëra nga një lojtar prej të cilit pritej më shumë , sidomos në një skuadër ku hapat fals janë të pafalshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
