Gazetari i sportit në MCN, Edi Hajdini, në analizën e tij për ndeshjet deri në javën e tretë në Superligë, u ndal te fitorja e KF “Tirana” kundër “Skënderbeut”.
Hajdini në MCN live, veçoi problemet dhe përparësitë që ka Tirana në këto ndeshje dhe objektivin që ka ekipi drejt fitores për të dal kampion.
Dihet se Tirana e ka objektiv për të dal kampione, e ka në ADN e vet si klub, historikisht në pjesën e objektivave te fillimit. Mendoj se me paraqitjet e deritanishme ka pasur probleme dhe problemet më të mëdha unë i shikoj në repartin e mbrojtjes. Pavarësisht merkatos, ka futbollistë që megjithëse u shpenzuan lekë, nuk po bindin dhe tregoi që pesë golat e shënuar në tre javë kampionat me pese skuadrat që është ndeshur, janë shumë dhe janë sinjal jo pozitiv për trajnerin Shehi, të paktën për repartin e mbrojtjes.
Pjesa tjetër pastaj, sigurisht që është penalizuar nga dëmtimet, mos harrojmë që edhe portieri Selmani është i dëmtuar edhe në mbrojtje pati probleme, u ndie mungesa e Najdovksit, është një futbollist shumë i rëndësishëm për skemat e Tiranës, dhe mungon futbollisti, ajo që ka kërkuar Shehi që në fillim dublimi i pozicioneve të Tiranës, unë ende shoh problematikë.
Reparti i avancuar është në lartësinë e duhur, sepse kanë shënuar 8 gola dhe janë numra që të japin të drejtë, janë katërshja Asani-Abazaj-Latifi-Kajna, tregon që Tirana në repartin e avancuar nuk ka probleme, ka një sulm të frikshëm ndërsa te mbrojtja unë ende shikoj probleme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
