Real Madrid u kualifikua në fazën e 1/16-ve, në Kupën e Mbretit, teksa mposhti minimalisht në transfertë ndaj skuadrës së Cacereno, e cila militon në kategorie e ulëta në Spanjë.
Pavarësisht fitores, pas ndeshjes, Carlo Ancelotti, kishte ankesa të mëdha për fushën e lojës, ndërsa shtoi se aty nuk mund të luhej futboll.
Nuk mund të luhet në këtë fushë. Sipas meje ky nuk është futboll, është sport tjetër. Formula është e bukur pasi skuadrat e vogla mund të konkurrojnë me të mëdhatë. Është e bukur edhe për tifozët. Por edhe vetë tifozët duan të shohin ndeshje të bukura futbolli.
A e rrezikuam kualifikimin? Jo, në asnjë moment. Ishte ndeshje e luftuar dhe e barabartë, por cilësitë më të mira që kemi nuk u panë në një terren ku nuk mund të luhet me topin në tokë. Më pëlqeu gjithçka nga minuta e parë e deri në të fundit, e dinim që duhej të vuanim, por nuk rrezikuam asgjë mbrapa dhe kjo ishte ndeshja e dytë radhazi pa pësuar gol.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
