Italia do të përfaqësohet me katër ekipe në Champions League

Më në fund UEFA dha një lajmë të mirë për të gjitha ekipet e Serie A. Duke filluar nga sezoni 2018/19, Italia do të përfaqësohet me katër ekipe në Champions League

Komiteti Ekzekutiv i UEFA-s në mbledhjen e mbajtur sot në Nyon të Zvicrës, ka vendosur që katër ligat më të forta të Evropës të përfaqësohen gjithmonë me nga katër ekipe në kompeticionin më të rëndësishëm Evropian.

Duke filluar nga sezoni 2018/19 Serie A, Premierliga, La Liga dhe Bundesliga, do të përfaqësohen me nga katër ekipe.

Skuadrat e Serie A nuk kanë mundur të luajnë të 4 në Champions, pasi nuk kishin arritur pikët e duhura dhe kjo ishte një penalizim për ekipet e Milan, Inter, Roma, Napoli etj për shkak të numrit të limituar të skuadrave.   

Interi është skuadra e fundit nga Serie A që ka triumfuar në këtë kompeticion, duke mundur 2:0 Bayern Munichun në ndeshjen që u zhvillua në “Santiago Bernabeu”.