Këtë verë, Mançesteri i futbollit kishte planifikuar të bënte goxha Pazar te Juventusi. Megjithatë, në fund vetëm Junajtidi ia doli të rrëmbente Pol Pogbanë.
Në krahun tjetër, Siti nuk mundi të merrte Leonardo Bonuçin, emri i parë në listën e përforcimeve. Vetë lojtari ishte pro kalimit nën urdhrat e Pep Guardiolës, por drejtuesit e Juventusit nuk lejuan largimin e 29-vjeçarit.
Prapaskenën e ka zbuluar administratori i deleguar i Mançester Sitit, Ferran Soriano, në një prononcim për “Radio Catalunya”-n: “Janë plot lojtarë që duan të vijnë te ne, që duan të stërviten nga pep Guardiola. Mes tyre ishte Bonuçi, i cili na telefonoi dhe na tha se donte të transferohej te Mançester Siti. Bisedova me Fabio Paratiçin, drejtorin sportiv të Juventusit, por përgjigjja e tij ishte plotësisht negative. Nuk donin ta shisnin”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
