Prezantimi i Elseid Hysajt para skuadrës së Lazios, la pakënaqësi të mëdha të tifozëve. Shkak për këtë u bë kënga që zgjodhi të këndojë shqiptari. Mbrojtësi u prezantua me këngën “Bella Ciao”, teksti i së cilës i kushtohet lëvizjes partizane.
Tifozët lacialë, të cilët kanë kryesisht pikëpamje fashiste, i dolën kundër lojtarit, duke shfaqur pakënaqësi ndaj tij.
Kjo ka vënë në lëvizje edhe Lazion, që në një reagim të bërë, i ka dalë në mbrojtje Hysajt, duke thënë se është detyra e klubit që të mbrojë lojtarët.
“Është detyra e klubit të mbrojë lojtarët dhe t’i lirojë ata nga shfrytëzimi personal dhe politik, që sigurisht në këtë rast nuk kanë asnjë lidhje me kontekstin joformal dhe miqësor. Grumbullimi i ekipit duhet të vazhdojë me angazhim maksimal sportiv dhe në atmosferën e qetë, ashtu siç ka vazhduar deri më tani”, thuhet në komunikatën e Lazios.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
