Humbja e finales së Europa League nga pika e 11 metërshave kundër Villarealit besohet se ishte fundi i një makthi për Manchester United . Sipas Sky Sports drejtuesit e ‘’ Djajëve të Kuq ‘’ i kanë marrë kartat në dorë dhe janë në negociata e sipër me agjentin Mino Raiola që mbron të drejtat e mesfushorit Paul Pogba . Francezi është një pjesë kyçe e skemave të Ole Gunnar Solskjaer dhe norvegjezi ka vënë në dijeni drejtuesit se kërkon ta ketë në dispozicion në të ardhmen për arsye se i krijon shumë lehtësira 20 herë kampionëve të Premier Leagues në mesfushë .
Loja impresionuese e zhvilluar nga 28 vjeçari ia ka përforcuar mendimin drejtuesve se duhet të rinovojnë menjëherë kontratën për të evituar humbjen e tij me parametra zero . Aktualisht Manchester United është duke hasur nje problem shumë të madh me Paul Pogba sepse ky i fundit akoma nuk është i bindur se duhet të qëndrojë në ‘’ Old Trafford ‘’ edhe pse i ka marrë në konsideratë propozimet e drejtuesve por megjithatë mbetet koshient se ofertat nuk i mungojnë .
Ashtu siç ka ndodhur edhe në të kaluarën pretendetët kryesorë të tij janë Real Madridi dhe Juventusi . Si ‘’ Galaktikët ‘’ ashtu edhe ‘’ Zonja e Vjetër ‘’ ndodhen në një proçes rindërtimi dhe nuk mendojnë ta ndalin hapin drejt të ardhmes së ndritur .
Një element për tu theksuar është se rikthimi i Massimiliano Allegrit në Torino ka gjeneruar shumë shpresë tek bardhezinjtë sepse e njeh me detaje funksionimin e kësaj skuadre.
Por as Paris St Germain nuk mbetet në prapavijë edhe pse gjasat janë për qëndrimin e Paul Pogbas në ‘’ Pallatin e Endërrave ‘’ për të vijuar progresin e mëtejshëm . 42 takimet e sezonit i ashtuquajturi ‘’ Pulpogba ‘’ i ka shoqëruar me 6 takime dhe 6 gola dhe gjatë ndeshjeve ka treguar se është një domosdoshmëri absolute për mirëfunksionimin e mesfushës së ‘’ The Red Devilsave ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
