Donaldo Rapo është lojtari më i ri i Kukësit. Klubi verilindor ditën e sotme ka njoftuar firmën me mbrojtësin. Ky i fundit në sezonin që lamë pjesë luajti për Drenicën në Superligën e Kosovës dhe tashmë rikthehet në Shqipëri, ku në të kaluarën ka luajtur me Luftëtarin dhe Laçin.
Rapo ka firmosur me Kukësin për 2 sezone dhe shihet se një afrim i rëndësishëm për verilindorët, të cilët për sezonin e ardhshëm kanë objektiva të mëdha.
Përveç mbrojtësit, 30-vjeçari e bën mjaft mirë edhe rolin e mesfushorit, aty ku luajti gjatë kohës kur ishte pjesë e Laçit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
