Oferta tunduese e Manchester United duket sikur e ka bindur Marco Asension për ti dhënë fund eksperiencës me Real Madridin .
‘’ Djajtë e Kuq ‘’ kanë vënë në dispozicion 30 milionë euro dhe spanjollët e kanë marrë seriozisht sepse në plan të parë oferta duket tepër joshëse .
Aktualisht ishi i Mallorcas nuk konsiderohet i domosdoshëm nga Carlo Ancelotti dhe ky fakt mund ta lërë në prapavijë në vijimësi dhe interesi i anglezëve konsiderohet një opsion shumë interesant .
Sipas ‘ Marcas ‘ , ‘’ Los Merengues ‘’ janë bindur nga kjo ofertë dhe duke qenë se tek kryeqytetasit nuk është lëvizur asnjë gurë për rinovimin e kontratës mund ta pranojnë largimin drejt ‘’ Old Traffordit ‘’.
26 vjeçarit i mbetet edhe një sezon tek ‘’ Los Blancos ‘’ të cilët parashikohet se do ta vlerësojnë maksimalisht për të mos rrezikuar humbjen e Marco Asensios me parametra zero në verën e ardhshme.
Pavarësisht se Real Madridi është në një formë të shkëlqyer me Carlo Ancelottin në stol , konkurrenca ne 11-she nuk i ka rezultuar aspak e lehtë dhe e ka shëndërruar në një zgjedhje të dytë të italianit .
Momentalisht në ‘’ Pallatin e Endërrave ‘’ aktivizohen disa nga ish shokët e Marco Asensios tek Real Madridi, aspekt që mund ta favorizojë adaptimin në Premier League.
Për Manchester United konsiderohet domosdoshmëri ndryshimi i historisë në javët vijuese duke parë që fillimi i kampionatit ka rezultuar një dështim për nxënësit e Erik Ten Hag por duhet kuptuar se hollandezit i duhet edhe pak kohë për tu adaptuar e më pas të tentojë rikthimin këtij klubi aty ku e meriton .
Mospjesëmarrja në Champions Leagues shkon sigurisht në disfavorin e anglezëve të cilët ishin mesuar me këtë kompeticion por mbetet akoma për të bërë në fazën më vendimtare të merkatos e cila bëhet akoma më emocionuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
