Vetëm pak orë i janë nevojitur Chelseat për të gjetur trainerin e ri .
Pas shkarkimit të Thomas Tuchelit në mënyrë befasuese , londinezët vepruan me shpejtësi për përforcimin e stolit me një tjetër emër .
Sipas Fabrizio Romanos , ‘’ Blutë e Londrës ‘’ do ti paguajnë 17 milionë euro Brightonit për Graham Potter , i cili do të ketë shansin për të provuar veten tek një ekip elite.
Akordi me 47 vjeçarin e ka marrë menjëherë konfirmimin e pronarit Todd Boehly , rrugëtimi i të cilit sapo ka nisur tek gjigandët e Premier Leagues dhe jo vetëm .
Pas Ostersunds , Swanseas dhe Brightonit , Graham Potter do të mundohet ta rifusë në shinat e suksesit Chelsean , skuadër që ka vuajtur në këtë fillim sezoni duke grumbulluar 10 pikë nga 18 të mundshmet në kampionat e cila e nisi me një dështim Champions Leagues me atë humbje në fushën e Dinamo Zagrebit .
Kjo disfatë shkaktoi shkarkimin e menjëhershëm dhe firmosja me Graham Potter mund të konsiderohet një surprizë për londinezët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
