Teuta ka prezantuar dy afrime të reja ditën e sotme. Fillimisht durrsakët kanë zyrtarizuar firmën me mbrojtësin Blerim Kotobelli. Ky i fundit rikthehet te “djemtë e detit”, pasi ka qenë edhe në të kaluarën pjesë e tyre, më saktë para 4 sezoneve.
Pasi mbylli aventurën me Kukësin, tashmë 28-vjeçari do të vihet nën urdhrat e trajnerit Edi Martini, teksa ka firmosur kontratën për dy sezone.
Afrimi tjetër i Teutës është sulmuesi Pepi Gorgiev. Ky i fundit vjen nga skuadra e Sileksit në Maqedoninë e Veriut, ku shkëlqeu në sezonin e fundit duke shënuar 13 gola dhe duke dhënë 9 asiste.
Të dy lojtarët e afruar janë bashkuar me ekipin në stërvitje ditën e sotme, ku do të kërkojnë të ambientohen sa më shpejt, për të qenë gati për ndeshjet e Europës që luhen në muajin korrik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
