Joachim Low prej kohësh është përfolur se mund të marrë drejtimin e Real Madrid, pas largimit të Zinedine Zidane. Megjithatë ka qenë vetë trajneri i Gjermanisë, i cili shkurtimisht për mediat ka thënë se këtë verë nuk do të marrë drejtimin e asnjë skuadre.
“Unë nuk jam kontaktuar nga asnjë klub dhe nuk dua të marr drejtimin e asnjë skuadre këtë verë. Do drejtoj Gjermaninë deri pas Europianit dhe pastaj do bëj pak pushim. Nuk do marr drejtimin e ndonjë skuadre këtë verë dhe nuk ndryshoj mendim për këtë”, u shpreh Low.
Kujtojmë se tekniku 63-vjeçar do të largohet nga drejtimi i Gjermanisë pas Europianit, që do të zhvillohet në verë dhe sipas asaj që ai vetë ka thënë, duket se do të bëjë pushim për një periudhë të shkurtër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
