Gjatë viteve të fundit Atletico Madridi nuk e ka shkëputur fokusin nga sulmuesi Alexandre Lacazette . Francezi vijon të jetë një ndër fiksimet e Cholo Simeones i cili i ka bërë me dije drejtuesve të ‘’ Los Colchoneros ‘’ se duhet të bëjnë një tjetër tentativë për ta transferuar në ‘’ Wanda Metropolitano ‘’ . Largimi i Diego Costas, rendimenti i dobët i Luis Suarez dhe Joao Felix i kanë shkaktuar shumë dhimbje koke trainerit argjentinas që është në metrat e fundit për ta rifutur Atletico Madridin në historinë e Primera Division .
Kryeqyetasit ruajnë avantazhin minimal prej dy pikësh dhe i mbeten edhe 3 ndeshje për të vënë diktatin në Spanjë. Përmirësimi i sulmit është një detyrim për Diego Simeonen . Situata e lojtarit nga Lyoni me Arsenalin mbetet dramatike sepse ‘’ Topchinjtë ‘’ nuk kanë avancuar për rinovimin e kontratës e cila mbetet në fuqi deri në 30 qershorin e 2022-shit . Kjo panoramë i jep një goditje të fortë londinezëve sepse me kalimin e viteve Alexandre Lacazette ka shkruar historinë në Premier League pavarësisht se ‘’ The Gunners ‘’ mbeten shumë larg të kaluarës brilante .
Kalimi tek Arsenal për 55 milionë euro ishte hapi i shumëpritur nga ky lojtar që me merita të plota është shëndërruar ndër më produktivët e Premier Leagues në vitet e fundit . Tashmë Arsenali që ka dalë krejtësisht nga objektivat e pjesmarrjes në Europë dhe që gjithashtu ka ngelur me duar bosh me eleminimin nga Europa League duhet të analizojë thellësisht të ardhmen e golashënuesit. Me 17 gola dhe 4 asiste në 39 ndeshje Alexandre Lacazette i krijon shumë shanse vetes për të nisur një tjetër etapë në karrierë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
