Duke nisur nga ndeshjet e javës së ardhshme të Superligës, orari do të zhvendoset me 45 minuta. Për shkak të temperaturave të larta, ndeshjet nuk do të luhen më në orën 17:00, por në 17:45. Ndeshja Teuta-Skënderbeu do të luhet, të hënën në orën 20:45.
Sa u takon sfidave të tjera, të dielën do të luhen Luftëtari-Vllaznia dhe Laçi-Flamurtari, ndërsa ditën e hënë takimi që mund të vulosë përfundimisht çështjen e titullit kampion, Tirana-Kukësi dhe një përballje mjaft interesante do jetë Bylis-Partizani. Të gjitha këto takime do zhvillohen në orën 17:45.
Aktualisht Tirana udhëheq kampionatin me 65 pikë pas 31 javësh, 9 pikë më shumë se Kukësi ndjekës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
