Renato Malota është largimi i radhës nga skuadra e Laçit. Ka qenë vetë mbrojtësi, që nëpërmjet një postimi në rrjetet sociale, bën të ditur “divorcin” me kurbinasit.
33-vjeçari ishte pjesë e bardhezinjve prej 3 sezonesh, ndërsa tashmë ka dalë si lojtar i lirë dhe aventurën e tij flitet se mund ta vazhdojë tek Egnatia.
Përshëndetje. Nga sot nuk jam më pjesë e Laçit pasi marrëveshja ime ka qenë të luaja në Kupat e Europës, pasi kontrata më kishte mbaruar në fundin e majit.
Ka qenë një eksperiencë e jashtëzakonshme si për mua edhe për Laçin pasi dy sezonet e shkuara luftuam për titullin kampion. Falënderoj tifozët dhe presidentin për korrektësinë. Në ditët në vijim do ju prezantoj me ekipin tim të ri.
Në të kaluarën, Malota përveç Laçit, ka luajtur me skuadra si Dinamo, Kukësi, Partizani dhe Vllaznia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
