Pas një sezoni brilant Chelsea nuk e ka shkëputur për asnjë çast fokusin nga merkatoja . ‘’ Bluve të Londrës ‘’ do ti duhet ti bëjnë mirë lëvizjet sepse rivaliteti në çdo kompeticion pjesëmarrës ashpërsohet me kalimin e kohës . Traineri Thomas Tuchel është i vetëdijshëm se një skuadër kampionësh pavarësisht se gjeneron shumë entuziazëm për përsëritjen e sukseseve ka gjithmonë nevojë për përforcime me objektivin e mbajtjes së ritmit të mëparshëm .
Manjati rus dhe njëkohësisht presidenti Roman Abramovich e ka theksuar në shumë raste se nuk do të kursehet në merkato dhe koha e tregoi se sakrificat e bëra i dhanë të drejtë miliarderit rus . Pista që po ndiqet aktualisht nga Chelsea është ajo e Erling Haaland. Britanikët janë shumë të sigurtë se sulmi ka nevojë për një profil të tillë , statistikat e të cilit japin shumë garanci për vijimësinë . Sipas ‘’ 90 min ‘’ kryeqytetasit kanë përgatitur ofertën e parë për Borussia Dortmundin që vlerësohet në 175 milionë euro . Një vit më parë ‘’ Verdhezinjtë ‘’ arritën të finalizojnë akordin me Salzburgun për 20 milionë euro por uria për sukses i ka thyer të gjitha parashikimet e specialistëve .
Me largimin e Jadon Sanchos në ‘’ Old Trafford ‘’ , Borussia Dortmundi është përpara një situate favorizuese sepse siç dihet problemet ekonomike i ka mjaft të theksuara dhe oferta e Chelseat mund t’ia ndryshojë mendjen drejtuesve të saj. Paraqitjet e sulmuesit nga Leeds e kanë bindur Thomas Tuchelin se me prezencën e tij kjo skuadër do të shëndërrohej në një makineri golash në të ardhmen .
Duke qenë se Erling Haaland mbetet objektivi parësor për sulmin , nëse Borussia Dortmundi do ti përgjigjet negativisht ofertës së tyre Chelsea e ka deklaruar se nuk do të dorëzohet deri në momentin e transferimit të shtatlartit në ‘’ Stamford Bridge ‘’.
Sezoni i kaluar konfirmoi se nuhatja e Erling Haaland për golin është e jashtëzakonshme sepse në 41 ndeshje ka shënuar të njëjtën sasi golash duke regjistruar një rekord më vete me vetëm 20 vite mbi supe .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
