Raul de Tomas ëndërron rikthimin tek Real Madridi

 Tentativat për Erling Haaland janë vështirësuar shumë kohët e fundit dhe Real Madridi ka vendosur të vlerësojë të tjera alternativa për të ardhmen .

Konkurrenca e ashpër për norvegjezin thekson se madrilenët s’duhet ta lënë me kaq dhe kanë marrë iniciativën për të rikthyer Raul de Tomas në ‘’ Santiago Bernabeu ‘’.

Carlo Ancelottit i duhet një zëvëndësues për Karim Benzeman, lojtar që është drejt fundit të karrierës dhe spanjolli mbetet i preferuari deri më tani .

27 vjeçari asnjëherë nuk e ka fshehur dëshirën për tu rikthyer në klubin ku filloi të hedhë hapat e parë drejt suksesit dhe këtë fakt e ka bërë të ditur gjatë një interviste duke komentuar kështu :

“  Do të më pëlqente që të rikthehesha tek Real Madridi sepse falë këtij klubi kam arritur shumë larg “ , përfundoi Raul de Tomas .  

Drejtuesit e ‘’ Merengues ‘’ po analizojnë disa largime gjatë verës për të mos e rënduar Carlo Ancelottin i cili ka mbetur i pakënaqur me  Luka Jovic dhe Mariano Diaz dhe vijon të ketë dyshime për Borja Mayoral .

Sulmuesi i Getafes është një lojtar shumë cilësor por duke njohur pretendimet e ‘’ Galaktikëve ‘’ , gjatë merkatos verore priten shumë risi tek ky klub sepse nuk mund të mjaftohen vetëm me fitimin e La Ligas pasi objektivi kryesor në çdo sezon është Champions League.  

Real Madridi  do të zhvillojë një tjetër finale të parakohshme kundër Manchester City-t me qëllimin e përmbysjes së disavantazhit të një jave më përpara në ‘’ Etihad Stadium ‘’ dhe në kampin kryeqytetas besohet fuqimisht në  potencialin e Carlo Ancelottit për të cilin kjo ndeshje do të jetë shumë përcaktuese .

15 gola dhe 3 asiste në 32 sfida kanë treguar se Raul de Tomas duhet të merret në konsideratë por vendimi i takon ishi-t të Milanit i cili në etapën e dytë tek ‘’ Los Blancos ‘’ po rikonfirmon se është një ndër më të mirët në botë.