Projekti i ri i përpiluar nga drejtuesit e Juventusit po vijon rrugën e duhur . Rikthimi i Massimiliano Allegrit në Torino i ka shtuar shpresat për të ardhmen sepse siç dihet botërisht është një trainer që i ka krijuar shumë avantazhe ‘’ Zonjës së Vjetër ‘’ në të kaluarën . Periudha e dështuar e Andrea Pirlos la për të kuptuar se bardhezinjve i duhet një dorë e hekurt në krye të stolit dhe tashmë entuziazmi në kampin e italianëve është mjaft i dukshëm .
Ish kampionët e Scudettos vijojnë të shpresojnë në transferimin e një mesfushori që deri më tani ka lënë gjurmë tek Sassuolo. Flitet për Manuel Locatellin i cili aktualisht është duke përfaqësuar kombëtaren e Italisë në Europian , eveniment ku ka spikatur me talentin që e karakterizon .
Sipas gazetarit të njohur italian Nicolo Schira Massimiliano Allegri është mahnitur nga niveli i 23 vjeçarit i cili me kalimin e kohës është shëndërruar në një referent të padiskutueshëm në skemat e ndërtuara nga Roberto Mancini .
Duke ditur se është një alternativë për të cilën ja vlen të luftohet, juventinët e kanë hedhur hapin e parë në lidhje me këtë lojtar dhe kanë ofruar 30 milionë euro por drejtuesit e Sassuolos e kanë cilësuar të pamjaftueshme sepse besojnë se mund të përfitojnë më tepër me largimin e tij nga ‘’ Mapei Stadium ‘’.
Interesi i një skuadre si Juventusi ia ngrin automatikisht vlerat Manuel Locatellit i cili është drejt një të ardhmeje brilante .
Statistikat prej 4 golash dhe 34 ndeshjesh të shoqëruara me faktin e të qënit një lider i mesfushës së një skuadre modeste si Sassuolo e lartëson dukshëm figurën e tij dhe gjithashtu e favorizon për shkak të performancës së shkëlqyer deri në këtë pikë të Europianit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
